தமிழ் சினிமாவின் இசை பொக்கிஷம் இளையராஜா. 1000 படங்களுக்கு மேல் இசையமைத்துவிட்ட இளையராஜா எண்ணில் அடங்கா பாடல்களை தந்தவர். 75 வயதை கடந்துவிட்ட இளையராஜா, தற்போதும் படங்களுக்கு பிஸியாக இசையமைத்து வருகிறார். வெளிநாடுகளில் இசை நிகழ்ச்சியும் நடத்தி வருகிறார்.

இந்நிலையில், தமிழ் திரைப்பட தயாரிப்பாளர்கள் சங்கம் சார்பில் பிரம்மாண்டமான இசை நிகழ்ச்சி நடக்க இருக்கிறது. இசைராஜா 75 (இளையராஜா) என்ற பெயரில் நடக்கும் இந்த இசை நிகழ்ச்சி, தயாரிப்பாளர்களின் நலனுக்காக, அவர்களுக்கு உதவும் வகையில் நடத்தப்படுகிறது.

அடுத்தாண்டு ஜனவரியில் நடைபெற இருக்கும் இசை நிகழ்ச்சிக்கான ஒப்பந்தம், இளையராஜா முன்னிலையில் தயாரிப்பாளர்கள் சங்க நிர்வாகிகள் செய்துள்ளனர்.