நடிகர் சூர்யா நடிப்பில் இயக்குநர் கேவி ஆனந்த் இயக்கத்தில் லைக்கா புரொடக்ஷன்ஸ் தயாரிப்பில் உருவாகியுள்ள பிரம்மாண்டமான திரைப்படம் ‘காப்பான்‘. இந்த படத்தின் படப்பிடிப்பு முடிவடைந்து போஸ்ட் புரொடக்ஷன் பணிகள் தற்போது நடைபெற்று வருகிறது.

இந்த நிலையில் இந்த படத்தின் இசை வெளியீட்டு விழா தேதி குறித்த அறிவிப்பு இன்று காலை வெளியிடப்படும் என அறிவிக்கப்பட்டது. அதன்படி சற்று முன் இந்த படத்தின் இசை வெளியீட்டு விழா ஜூலை 21ம் தேதி நடைபெறும் என லைக்கா நிறுவனம் தனது சமூக வலைப் பக்கத்தை அறிவித்துள்ளது. சூர்யாவின் பிறந்தநாள் ஜூலை 23ம் தேதி கொண்டாடப்படவுள்ள நிலையில் அவரது பிறந்த நாள் பரிசாக ‘காப்பான்’ படத்தின் பாடல்களை லைக்கா நிறுவனம் வெளியிடவுள்ளது.

சூர்யா, மோகன்லால், சாயீஷா, ஆர்யா, பொமன் இரானி, சமுத்திரக்கனி, பூர்ணா, பிரேம், தலைவாசல் விஜய், உள்பட பலர் நடித்துள்ள இந்த படத்தை படத்திற்கு எம்எஸ் பிரபு மற்றும் அபிநந்தன் ராமானுஜன் ஒளிப்பதிவு செய்துள்ளனர். அந்தோணி படத்தொகுப்பில் உருவாகியுள்ள இந்த படத்தை இந்த படத்திற்கு பட்டுக்கோட்டை பிரபாகர் மற்றும் கபிலன் வைரமுத்து ஆகியோர் வசனம் எழுதியுள்ளனர்.