கோவா தேசிய திரைப்பட விழா, கெய்ரோ உலக திரைப்பட விழா உள்பட பல்வேறு திரைப்பட விழாக்களில் திரையிடப்பட்டு வந்த மனுசங்கடா திரைப்படம், வருகிற 12ம் தேதி தியேட்டர்களில் வெளியிடப்படுகிறது.

இதனை அம்ஷன்குமார் இயக்கி உள்ளார். ராஜீவ் ஆனந்த், மணிமேகலை, சசிகுமார், ஷீலா என்ற புதுமுகங்கள் நடித்துள்ளனர்.

“பரியேறும் பெருமாள் போன்று இதுவும் சாதிக்கு எதிரான படம். உண்மை சம்பவங்களின் அடிப்படையில் உருவாகியிருக்கும் படம். இதில் கூடுதலாக தீண்டாமை குறித்து பேசப்படுகிறது. கோவாவில் நடந்த உலக திரைப்பட விழாவில் திரையிடப்பட்ட ஒரே தமிழ் படம் இதுதான். நல்ல கதையசம்சமுள்ள படங்களை மக்கள் வரவேற்று ஆதரவளித்து வருகிறார்கள். அந்த வரிசையில் இந்தப் படத்திற்கும் மக்கள் ஆதரவு கிடைக்கும் என்று உறுதியாக நம்புகிறோம்” என்கிறார் இயக்குனர் அம்ஷன் குமார்.