காலா படத்தை தொடர்ந்து கார்த்திக் சுப்பராஜ் இயக்கும் படத்தில் நடித்து வருகிறார் ரஜினி. இவருடன் விஜய் சேதுபதி, பாபி சிம்ஹா, த்ரிஷா, சிம்ரன், பாலிவுட் நடிகர் நவாசுதீன் சித்திக் உள்ளிட்ட பலர் நடிக்கின்றனர்.

அனிருத் இசையமைக்கிறார். இதன் படப்பிடிப்பு டார்ஜிலிங்கில் நடைபெற்ற நிலையில் அடுத்தக்கட்ட படப்பிடிப்பு ஐரோப்பாவில் 40 நாட்கள் நடக்கிறது. இதற்காக ரஜினி நேற்று புறப்பட்டு சென்றார்.

ரஜினி 165-வது படமாக உருவாகி வரும் இப்படத்தின் தலைப்பு மற்றும் தலைப்பு உடன் மோசன் போஸ்டர் இன்று மாலை 6 மணிக்கு வெளியாகும் என படத்தை தயாரிக்கும் நிறுவனம் டுவிட்டரில் அறிவித்துள்ளது.

பட தலைப்பு என்னவாக இருக்கும் என ரஜினி ரசிகர்கள் 6 மணியை நோக்கி ஆவலுடன் காத்திருக்க தொடங்கி உள்ளனர்.